مرکزین 4 آیلیق راپورو

گونئی آذربایجان لی میللی مدنی آکتیویست لرکی اؤز دوغما یوردلارین مجبور اولاراق ترک ائدیب و قارداش اؤلکه یه سیغینماق زوروندا قالیب لار چوخلو زورلوق لارلا اوز اوزه دیرلر اونلاردان بیر نئچه سینده ن آد آپارماق ایسته سک اؤنملی سورونلار مالی و حقوقی زورلوقلاردی.

گونئی آذربایجان سیغینماجی لار یاردیم لاشما مرکزی حال حاضیر دا ترکیه ده یاشاماقدا اولان سویداشلاریمیز اوچون یارادیلمیش بیر قوروم دور.

بو مرکز هئچ بیر آرت نییت اولمادان فیکیرداشلاریمیزین باش باشا اولدوغو زورلوقلاری آزالتماق اوچون تشکیل اولون موش و هئچ بیر پارتی ویا تشکیلاتا باغلی لیغی یوخدور.

مرکزیمیزین تشکیل اولونما هدفلری بونلاردان عبارتدیر :

ترکیه ده سیغینمادجی دوروموندا یاشاماقدا اولان سویداشلاریمیزین یانینداییق. دوغما یوردوموزون تاریخی ، کولتوری و… تانیتماق.

بو مرکزین قورولوش تاریخینده ن 4 آی زامان گئچیر . بیر چوخ تشکیلات و پارتیا لارایله مرکزین قورولوش زامانیندا ایله تیشیمه گئچیرلیدی و بو یئنی مرکزی دستک له مه لری و بیزیم له بیرگه بو صاف نیت لی یولا آدیم آتمالاری و یانیمیزدا اولمالاری اوچون تماسا گئچیریلدی آما نه یازیق کی دستک لرینی بیزده ن اسیر گه دیلر بلکه گئچمیشده کی قورولان بئله نچی قوروملارین یاراتدیقی گووه نسیزلیخده ن قایناقلانان بیر مسأله دیر. حال بو کی گونئی آذربایجان سیغینماجی لار یاردیملاشما مرکزی نین سیته سینده و یا سوسیال مئدیا حئساب لاریندا هر شئی آچیق و اورتادا بوتون الیمیزه گلن یاردیملار ، کیمین ساریندان گلن یاردیملار و سویداشلاریمیزین حئسابینا یاتیریلان یاردیم لار( کیملیک لری گیزلی اولماق شرطی ایله ) هر تک تکی بلگه لر ایله بیرلیک ده قئید اولنماقدا دیر و کنترل ائتمک ایسته ین هر کس اؤزگورجه سینه بیزی کنترل ائده بیلر.

سون زامانلاردا دا گئچمیش بللی بیر سیرا آدی آکتیویست بو مرکزی قارالاماق ایله مشغولدورلار و بودا بیزه بیر گوج قایناقی اولاراق بو یولون دوغرو یول اولدوغون بیر داها ایثباتلاییر و بیز ایسه یولوموزا داش آتانلارین اولاجاقینی بیله رک بو یولا آددیم آتدیق بیر آتا سؤزو وار : یئل قایادان نه قوپارار

طبیعی دیر کی بو گونه قدر آیاق دا دورماسینا یاردیمجی اولان لاردا اولوب و بو 4 آیدا بیزیم دایاقیمیز اولوب. بیز بیر کؤپرو میثالی اولاراق یاردیم الی اوزالدان واحتیاجی اولان سویداشلاریمیزین آراسیندا فعالیت گژستریریک.

مرکزین قورولدوغو گونده ن بو یانا توپلام دا 1600 تورک لیراسی یاردیم گلیب دیر و بو مبلغده ن 1400 تورک لیراسی نا یاخین احتیاجی اولان لارین بانکا حئساب لارینا یاتیریلمیش و آز بیر مبلغ ایسه مرکزین مصرف لری اوچون خرج اولوب . دئمه لییک کی سیغینماجیلار یاردیملاشما مرکزی اولاراق ترکیه ده ن خاریج ده اولان سویداشیمیزا ایسه یاردیم ائتمیشیک.

سون سؤز دئمک ایسته سک اودا بودور کی بوتون او سویداشلاریمیز کی بوگون 3.جو اؤلکه ده یاشاییر لار بیرو گئچمیشده ترکیه ده سیغینماجی استاتوسوندا ایدیلار بورداکی زورلوق لاردان خبرلری وار و هر تک تکینیز ایسه بو زورلوق لار ایله باش باشا اولوب سوز .

بیرلیک اوچون برابر لیک اوچون مادی ، معنوی و اؤنملیسی حقوقی باخیمیندان یاردیم لارینیزا ترکیه ده سیغینماجی دوروموندا یاشیان گونئی آدربایجانلی آکتیویست لریمیزین احتیاجی وار .