مرکز حمایت از پناهندگان- آزربایجان جنوبی

Sığınmacılar Yardımlaşma Mərkəzi- Güney Azərbaycan

 

 

 

 

گونئی آزربایجان سیغینماجیلار یاردیملاشما مرکزی نین سگگیز (8) آیلیق راپورو

گونئی آزربایجان سیغینماجیلار یاردیملاشما مرکزی نین سگگیز (8) آیلیق راپورو

گونئی آزربایجان سیغینماجیلار یاردیملاشما مرکزی یاخلاشیق 8 آیدیر فعالیته باشلاییبدیر و بو 8 آیدا بیر چوخ فیکیرداشلاریمیزا بللی میقدار دا یاردیمجی اولوبدور. بو مرکزین یارانما ندنی هر کسه آیدین دیر و و یاپدیغی یاردیملار و آماجی ایسه آپ آچیق اورتادادیر و آرت نیتی اولمادان یولونا و یولوموزا دوام ائتمک ایسته ییریک.

دئمه لیییک کی هر زامان اولدوغو کیمی داش آتانلار چوخ و یاردیم الی اوزالدانلار ایسه آز دیر تاسف ایله ، آما بیز بو آجی گرچکی گؤز اؤنونه آلاراق آدیم آتدیق و داها گوجلو آدیملار آتماقا دا قرارلیییک. دئمه لییک کی بیزیم بو باشلاتدیغیمیز یاردیم آماج لی مرکزه تاسف له دوستلاریمیزین بیر سیراسی کی داها اؤنجه ده ن هر توپلانتی و یا باشقا بیر بنزه ر یئرلرده اولدوقلاریندا بئله بیر مرکزین یئرینین بوشلوغونو حیس ائدیب و قورولماسینی تمننی ائدیردیلر، 8 آی اؤنجه بو مرکز کی ایشه باشلادی بو یولداشلار بیر دفعه لیک بیله بو ایشین باشلانماسینا بیله هئچ بیر تپکی گؤسترمه دن قولاق آردی ائتدیلر . بو قورولوشا سون آیلاردا ضربه وورمایا چالیشیلدی کی شوکورلر اولسون باشارا بیلمه دیلر و وورولان ضربه لر ایسه بوشا گئتدی. و بیزی داها گوجلندیردی.

مرکزین ایلک 8

آیی گونئی آزربایجان سیغینماجیلار یاردیملاشما مرکزی باشدا بلیرتیلدیغی کیمی 8 آیدیر فعالیته باشلاییب دیر و بو سگگیز آیدا حاقسیزلیق لارا گؤز یوماراق ایلکه لریمیز یؤنونده گوجلو آتدیم لار آتماغا دوام ائتدی. مرکزیمیزه گؤنده ریلن یاردیم 8 آی دا 3250 تورک لیراسی جیواریندا اولوب دور. مرکز طرفینده ن ایسه بو یاردیم لاری احتیاجی اولان سویداشلاریمزین حئسابینا ( اؤز ایستک لری ایله) یاتیریلیب دیر و بوتون یاردیم لارین دکونت لاری بوتون سوسیال مئدیا حساب لاری ( فیس بوک ، تلگرام کانالی ، وب سایت) طریقی ایله بیلگی لری ساخلانماق شرطی ایله پایلاشیلیبدیر و مرکزین خرج لری ایسه ( تلفن و …) تک تک یازیلی دیر.

سون سؤز

گونئی آزربایجان میللی حرکاتی و بو یولدا مجادیله ائده ن لر تاریخ بویو ان قوتسال حرکات لاردان و حاقلی مجادیله لر سیراسیندا یئر آلماقدادیر. بو یولدا هر تک تک میللی فعال و آکتیویست لر ایچه ری و دیشاری و تک تک سیاسی پارتیالار و تشکیلات لار، وار گوج لری ایله ایران فاشیست رئژیمینین قارشیسیندا دوروب و آلینلارینین آغی ایله هئچ بیر یابانجی قووه لرده ن یاردیم آلمادان دایانیب و حاقسیزلیق لارا قارشی سس لرین دونیایا چاتتیرماق ایسته ییر لر. بو یولدا مجادیله ائدیب و مجبور اولوب اؤز دوغما یوردو گونئی آزربایجانی ترک ائدن لرده وار. آنجاق، قوربت، چوخلو زورلوقلار ایله وطنی ترک ائده ن لری بعضاً زور دوروما سوخور و ساده جه مجبور قالیب حیاتین گئچیر مه گی دوشونورلر و بودا میللی حرکات دان اوزاقلاشمالاری و گونئی آزربایجان حرکاتیندان قوپمالارینا سبب اولور و بودا هم او شخصلر اوچون و هم بو قوتسال حرکته آغیر بیر ضربه اولور. زامان بیرلیک زامانی؛ بوتون یورد دیشیندا یاشایان سویداشلاریمیز و آچیق دئسه ک الی جئبینه گئده ن سویداشلاریمیز، گلین بیر اولوب بو قوتسال حرکاتی داها گوجلندیره ک و هئچ بیر سویداشیمیزی زور دورومدا بوراخمایاق//