مرکز حمایت از پناهندگان- آزربایجان جنوبی

Sığınmacılar Yardımlaşma Mərkəzi- Güney Azərbaycan

 

 

 

 

سیغینماجیلار یاردیملاشما مرکزی- گونئی آذربایجان، سیغینماجی لار و کورونا ویروسو ایله علاقه دار بیلدیریسی

سیغینماجیلار یاردیملاشما مرکزی- گونئی آذربایجان، سیغینماجی لار و کورونا ویروسو ایله علاقه دار بیلدیریسی

سون زامان لاردا چین اؤلکه سینده ن دونیا گئنه لینه یاییلان کورونا ویروس خسته لیگی اینسان حیاتی نی بیر چوخ یئرلرده زور دورومدا بوراخمیش دوروموندادیر، او جومله ده ن ویروس ده ن قایناقلانان خسته لیکلر  و اؤلوم فاجیعه لری و کورونا دان قایناقلانان اکونومیک زورلوقلار.

ترکیه جمهوریتینده مارت آیینین 11.جی گونونده ایلک کورونا ویروس خسته سی گؤرولدو و او تاریخده ن بو گونه ده ک هر گون یئنی خسته لر و نه یازیقکی 10 لارجا اینسان وفات ائتدی.

تورکیه جمهوریتی دولتی بیر تاخیم یاساق لار گتیره رک ویروسون داها چوخ یایلماسینین اؤنون آلماسی اوچون اؤنله م لر آلدی و باشقا اؤلکه لری نظرده آلاراق باشاریلیدا اولدو، آمما تورک خالقی یانی سیرا بیر تاخیم سورونلار ایله قارشی-قارشی یا گلدی او جومله ده ن اکونومیک سیخینتی و ایشسیزلیکلر چوخالدی. بیر چوخ ایش یئری دؤولتین گتیردیغی یاساقلاردان دولایی ایش یئرلرین گئچیجی اولاراق قاپاتماق زوروندا قالدی ویا ایشچی چیخارماق مجبوریتینده قالدی.

حال حاضیردا تورکیه ده یاشاماقدا اولان گونئی آذربایجانلی سویداشلاریمیز- فیکیرداشلاریمیز ایشسیزلیک و اکونومیک سورونلاری ایله قارشی قارشی یا گلمه ک دوروموندادیرلار ، و نه یازیق کی بو ویروس دان دولایی حتی بعضی تورکیه جمهوریتی  وطن داشلاری بیله ایشسیز قالمیشلار .

هر کس اوچون آیدین دیر کی تورکیه جمهوریتینده نقدر یابانجی سیغینماجی وار و هر تک تکی اوچون سوسیال یاردیم ائتمک گؤزه ل تورکیه میز اوچون زور اولا بیلر، اونا گؤره ده بعضاً گونئیلی سویداشلاریمیزا بو سوسیال یاردیم حاققی تانینمیر اودا سوریه لی گوچمن لرینین ساییلارینین چوخ اولماسیندان قایناقلانا بیلر.

بو دورومدا داها اؤنجه تورکیه ده سیغینماجی اولوب و تورکیه اکونومیک دوروموندان خبردار اولان سویداشلاریمیز کی حال حاضیردا باشقا بیر اؤلکه یه گئدیبلر و ایقتیصادی دوروملاری یئرینده دیر چوخ آز بیر مقدار مالی یاردیم ائتمک له بو زور گونلری آتلاتماق اوچون هم تورکیه ده یاشایان سیغینماجی دوروموندا اولان سویداشلاریمیزا بیر اومود و هم قارداش تورکیه میزه یانلاریندا اولدوغوموزو بیلدیرمه ک ایچین.

 آز دا اولموش اولسا یاردیم گونده ره ره ک بو آجیلی گونلری بیرلیک ده آتلادا بیلریک.

سیغینماجیلار یاردیملاشما مرکزی- گونئی آذربایجان 2017.جی ایلینده ن بری بیر چوخ گونئی آذربایجانلی سیغینماجی لارا هئچ بیر قارشیلیق گؤزله نتیسی اولمادان بللی بیر مقداردا یاردیملار  ائتمیشیک و بوتون یاردیملاری بلگه لر و سند لر ایله سوسیال کاناللاریمیزدان یاردیم گؤندردیغیمیز شخصین کیملیگین گیزلی قالما شرطی ایله پایلاشمیشیق. بو گؤره وی لایقی ایله یئرینه گتیرمه ک اوچون سون درجه تیتیز چابالاییریق. اومود ائدیریک کی داها گوجلو اولاراق سویداشلاریمیزین یانیندا اولاق و خالقیمیزین قارشیسینا آلنی آچیق چیخا بیلک.

 

سایغیلاریمیز ایله : سیغینماجیلار یاردیملاشما مرکزی- گونئی آذربایجان یؤنتیمی

 

بیشترین بازدید - Çox oxunanlar